Герман дасгалжуулагч Майкл Вайссаар удирдуулсан Монгол улсын шигшээ баг гуравдугаар сард хоёр чухал тэмцээн хийнэ. "Талын хөх чононууд" эхлээд 03 сарын 22-нд Куалалампур хотод Малайзын шигшээ багтай хүч үзнэ. Үүний дараа 03 сарын 27-нд эх нутагтаа Африк тивийн Мауритус улсын шигшээг хүлээн авна.

Энэхүү хоёр тоглолт бол ОУХБХ-ны шигшээ багийн өдрүүдээр /FIFA day/ хийж буй дэлхийн чансаа ахихад нөлөөлөх шийдвэрлэх тулаан билээ. Тэр дундаа 03 сарын 27 нд Монголын Хөлбөмбөгийн Холбооны талбайд Мауритустай хийх тоглолт үндэсний шигшээ багийн ОУХБХ-ны шигшээ багийн өдрөөр эх нутагтаа хийж байгаа анхны тоглолт гэдгээрээ онцлогтой.

Чоно үүрэндээ өлзийтэй гэдэгчлэн "талын хөх чононууд" талбайдаа гайхалтай тоглолт толилуулах тул та бүхэн МХБХ-ны ногоон талбайг зорьж, уухайн түрлэгээрээ шигшээ багаа дэмжээрэй.