Онлайн туслах

Өдөр цагаа сонгоно уу


Jazz and Soul


  • Хаана:
  • Хэзээ:
  • Зохион байгуулагч:
  • Jazz Lab Music Agency
  • Тоглолтын төрөл:
  • Жазз концерт
  • Үргэлжлэх хугацаа:
  • Насны ангилал:
  • 10+
  • Тасалбарын үнэ:
Буцах

Дэлгэрэнгүй мэдээлэл


Jazz and Soul

Нью-Орлеоноос гаралтай дэлхийн жазз од Жессэ Дэйвис өөрийн дөрвөл хамтлагтайгаа цуг Монголд хоёр дахь удаагаа ирж гайхамшигт жазз хөгжмийг толилуулах гэж байна. Тус квартет сүүлийн жилүүдэд Европ болон Азийн улс орнуудаар аялан тоглолт хийж, жазз хөгжмийг амжилттай сурталчлан таниулж явна. Энэхүү хамтлаг жазз стандарт болоод хожуу үеийн бипоп урсгал чиглэлээр гарамгай тоглодог. Мөн хамтлаг олон улсын бүрэлдэхүүнтэй гэдгээрээ онцлог бөгөөд гишүүд нь өнөө үеийн жазз хөгжмийн ертөнцөд өөрсдийн ур чадварыг улам бататган олонд танигдсаар байна. Хамтлагийн контрабассчин Мартин Зенкерийн хувьд Монгол оронд жазз хөгжмийг хөгжүүлэн дэлгэрүүлэх GMUB төслийг 2014 оноос хойш амжилттай удирдаж байна.

Жессэ Дэйвис Квартетийн бүрэлдэхүүн:

Жессэ Дэйвис (АНУ) – Альт саксафон
Пол Көрби (Шотланд) – Төгөлдөр хуур
Мартин Зенкер (Герман) – Контрабасс
Минчан Ким (Солонгос)– Бөмбөр

Уг тоглолтонд мөн монголын шинэ залуу The Jazz Train, Bluescoopers хамтлагууд оролцож өөрсдийн уран бүтээлийг хүргэх болно.

Жаззын амьд домог Жессэ Дэйвисийн тухайд

Тэрээр жаззийн өлгий нутаг болох АНУ-ын Нью-Орлеоноос төрөн гарсан, жаззын томоохон бие төлөөлөл болсон уран бүтээлч юм. Анх 11 настайдаа саксофон хөгжимтэй танилцсан цагаасаа хойш 40-өөд жил хөгжмөө тасралтгүй тоглож буй тэрээр өдгөө олны хүндэлж хайрладаг хөгжимчдийн нэг болжээ. Тэрээр өөрийн хамтлагийг удирдахын зэрэгцээ бусад алдартнуудтай цуг уран бүтээл туурвиж, аялан тоглолт хийдэг. Багаас урлагийн авьяас нь тодорсон, хөдөлмөрч хичээнгүй түүний гавьяа шагналуудаас дурдвал, тэрээр 1989 онд Филадельфи хотод болсон Down Beat хөгжмийн фестивалиас Шилдэг хөгжимчин шагналыг хүртэж байв.
Түүний хоёр дахь тоглолтыг энэ жил ЖаззЛаб хөгжмийн агентлаг зохион байгуулж байна. Энэхүү тоглолт нь "Улаанбаатар - Олон Улсын Жазз Цуврал"-ын сүүлийн тоглолт бөгөөд төслийн хүрээнд олон улсын мэргэжлийн жазз хөгжимчдийг монголд урин авчрах, амьд туршлага солилцох, мөн монголын шинэ залуу жазз уран бүтээлчдэд гадагш гарах үүд хаалгыг нээж өгөх зорилго бүхий ажлууд хийгдэж байна.


Цахим тасалбарыг TICKET.mn
Тасалбар хүргэлт: 1900 1800
Тасалбарыг УДБЭТ болон дараах кассуудаас авах боломжтой.
TICKET.mn кассуудын хаяг, цагийн хуваарь:
1) Ticket.mn офис: Өргөө-2 кинотеатрын баруун урд, Адмон хэвлэлийн газрын 209 тоот. Даваа-Баасан 9:00-21:00, Бямба, Ням 10:00-20:00
2) TicketBox 1: Shangri La Mall, 3 давхарт, Интерном. Даваа-Баасан 10:00-21:00, Бямба-Ням 10:00-22:00
3) TicketBox 2: EMart, 2 давхарт, Интерном. Өдөр бүр 9:00-22:00
4) TicketBox 3: Hi Fi Records. Өдөр бүр 10:00-21:00

Box Offices locations